ఎన్నికలప్పుడే ఉద్యోగాలు గుర్తుకొస్తాయా?: కోదండరాం
హైదరాబాద్, (టీఎస్ డ్రీమ్స్ ప్రతినిధి): ఉద్యోగాలపై ప్రభుత్వం ఒట్టి మాటలు తప్ప చేసేదేం లేదని టీజేఎస్ అధ్యక్షులు కోదండరాం తెలిపారు. ఎన్నికలు వచ్చినపుడే ముఖ్యమంత్రికి ఉద్యోగాలు గుర్తొస్తాయని విమర్శించారు. నిరుద్యోగులను ఊరిస్తూ ప్రకటనలు చేయటం.. ఆ తర్వాత పట్టించుకోకపోవటం కేసీఆర్ కు అలవాటేనన్నారు. సీఎం చెప్పిన 50 వేల ఉద్యోగాల నోటిఫికేషన్ ఏమైందని ప్రశ్నించారు. ఉద్యోగాల విషయంలో సర్కార్ తప్పుడు లెక్కలు చెబుతూ మభ్యపెడుతోందన్నారు. ఉద్యోగాలు రాక యువత ఆత్మహత్యలు చేసుకునే పరిస్థితి నెలకొందని కోదండరాం ఆవేదన వ్యక్తం చేశాడు.
